A BSONDERER ZAUN

Da steht in Gablitz a Zaun, a bsonderer,

is grün und aus Draht, gar so wie jeder andere.

Und trotzdem is der Zaun net normal,

denn sei Bedeutung is - find i - grenzgenial.

An dem Zaun hängt mehrmals in der Wochn

a Sackerl mit Nachricht und schene Sochn.

Kekserl und Kürbis, Kuchen und Pflanzen,

Aufmerksamkeiten unter Nachbarn lassens Herzerl liab tanzen.

A Gehts Eich guad, a Dankeschön,

Mir gfrein uns auf a Wiedersehn.

Der Zaun is was Bsonders, weil er verbindet und net trennt,

a Bedeutung, die i niederschreib, damits a jeder dakennt.